Mawryngkneng: Ka Khasi Students’ Union-Mawryngkneng Circle hadien wa dep phah Dorkhat ko haka 31-10-17 cha ka Sorkar MUA II wa yahkhmat da u Dr. Mukul Sangma wa cha le ngut ki MLA wa kynthup ya u David Nongrum, MLA Mawryngkneng Constituency, u Remington Pyngrope MLA Mawkynrew Constituency wa cha u Ardent M Basaiawmoit, MLA Nongkrem Constituency wow dawa pynyoh Civil Sub Division da e por ko chwa ka Dorbar tlang wow leh ya ini.
Ka KSU da ong ko wa emkaam u pynku kyrdan noh ya ka Mawryngkneng C&RD Block cha ka Civil Sub-division neibhah hapoh ka Block da em hadooh 64 tylli ki chnong wei i boon bru katkam ka Census 2011 da poi ko hadooh 67,291ngut heiwa 33,396 toh ki chynrang wa 33,895 toh ki kynthai tangwa hadooh kantni leh ki 3 ngut ki MLA ym jooh klam ym jooh yoh chi kyntien leh hei yatoh wa ini.
Neiliang ka seiñ da e por ko ya ka sorkar ha chwa ka dorbar tlang wow pynyoh Civil Sub Division wa pura ha Mawryngkneng lym kamtæ ka seiñ wa ki paidbah u pynman ki da ka yakhih pyrchah ya ka Sorkar wei u sdang yakhih chwa da kawa jai jai na 3 tylli ki Constituency, ha Mawryngkneng, Mawkynrew wa Nongkrem Constituency.
Ini toh katkam wa pyntip u Shiningstar Kharbihkhiew General Secretary KSU Mawryngkneng Circle.
Discussion about this post