Ka seiñ UHM East Jaiñtia Hills District ynne da lai e dorkhat ko ha u CEM ka JHADC yow kyrpaad ya oo wow chimkhia u yei khayi pyrchah aiñ wei khlem ki kot ki sla ki wa biang hapoh u pood u ang yong ka East Jaiñtia Hills District.
Ka seiñ da ong ko wa katkam wa chem ko wa kini ki bru kiwa na baar jylla da khayi pahooh ki khlem da burom de ya ka District Council kawa toh u pait ya ini i bynta, kamtæ da ban joor ya u CEM wow phah ya ka chnat wa pait yei khayi pateiñ wow lai kynreh ya ki baar jylla yow lait ki wow chim ya ka pliang ja yong ki tre ri tre chnong.
Da ngait skem leh wa lyngba ini i wan ujor ka seiñ, ka Council daw leh ko iyi iyi wei da e por chi tayaaw wow lai kynreh Trading License wa Labour License wei wow khang ya kini kiwa khayi khlem da yoh bor khnang wa ka pateiñ u man chngaaiñ ko.
Discussion about this post