• About Us
  • Contact Us
  • Privacy Policy
  • Advertise With Us
  • Terms & Conditions
Thursday, July 10, 2025
Wyrta
  • Home
  • Politics
  • Culture
  • Opinion
  • Sports
  • Crime
  • Life
  • English
  • Entertainment
  • Guest Writer
No Result
View All Result
Wyrta
  • Home
  • Politics
  • Culture
  • Opinion
  • Sports
  • Crime
  • Life
  • English
  • Entertainment
  • Guest Writer
No Result
View All Result
Wyrta
No Result
View All Result
ADVERTISEMENT
Advertisement Advertisement Advertisement
ADVERTISEMENT
Home Culture

E sikai ka Jaintia Eastern College hajrong ka ka put ka tem tynre ha Khliehriat

Wyrta Staff by Wyrta Staff
December 8, 2017
Reading Time: 3 mins read
A A
0
Share on FacebookShare on Twitter
ADVERTISEMENT

Jowai: Ka Jaintia Eastern College kam chibynta wow pynneh pynsah ya ki tiar put tiar tem tynre kamjooh yei tem i put tynre ha ka East Jaiñtia Hills District, neiliang ka Music & Cultural Committee yong ka College da pynman ko ya ka e sikai wa 4 sngi ya ki khynroo khyllood wa puræ kani ka College kamjooh kiwa wan na ki chnong wa em cha jan.

Ya kani ka e sikai da sdang nadooh kani ka 4 tarik hadooh 7 tarik wa pynman ha Seminar Hall ka College wei da pynlut pynsep da ya ka yungkrehkaam u Deputy Commissioner, East Jaintia Hills District, Khliehriat.

ADVERTISEMENT

Katkam i ong u Principal ka College u Dr. P. Nongtdu, kani ka esikai ym toh du wow tip chaphang ki tiar tem kamjooh leh wow tip u tem; ka wow wai luti ya kitu wa em i sap wow lai ki cha khmat kam ka laad yoh khih yoh kreh.

U C.B. Mawkon, MCS, ka East Jaintia Hills District uwa man kam u kongsan ha ka 7 tarik ka sngi pynkut ya kani ka e sikai, hei klam yong oo da yaroh u ya ka Music & Cultural Committee yong ka College wa ya ka yungkrehkaam u Deputy Commissioner, Khliehriat kawa chim ya kam kani ka luti wa kyrpang wow pynneh pynsah wei wow kyntu ya ka rukom tem tynre, khamtam wa snaiwthooh ko wa da jan wiar jait kini waroh hapoh ka jylla.

Related posts

Ki bynta wa emkaam ha ka Soo Sngi Le Yaaw ka Behdieñkhlam

July 8, 2025

Pyndep ka Kur Dkhar ya ka ngooh ka dem ha thaw Thangsati

July 6, 2025

Da ong u leh “Ka tem ka put tynre hapoh ka District wa ka jylla Meghalaya, man sakhiat ko ka wi na ki spah bah ka wow pyntipmit ya ka jaitbru na pyrdi kiwi ki jaitbru hapoh ka ri.”

Kamtæ da kyntu u ya kiwa wan chah sikai kamjooh ya waroh wow chimkhia ki u pynneh pynsah ya kani ka tem ka put tynre.

Da e buit u leh wow pynman da ki yakop tem ya ki tiar tem tynre wei wow pynman chooh chooh ya ki e sikai yow ye u pynneh pynsah ya ini waroh.

Ha kani ka e sikai da em ki bru wa chemphang ha kani ka kam tem kam put tynre kiwa da sikai wow chna kamjooh wow tem ya ka Sitar, Duitara, ka Ksing, ka Bom, ka Ming, ka Chawiang  wa kiwi kiwi de ki tiar tem tynre.

ShareTweetSendShare
Previous Post

Ka NPP wa ka BJP toh kawi donhi ka seiñ: VH Pala

Next Post

Waroh ki party kwah ki wow kreh wow wai biang ya u mooyong: VH Pala

Related Posts

Culture

Ki bynta wa emkaam ha ka Soo Sngi Le Yaaw ka Behdieñkhlam

July 8, 2025
Culture

Pyndep ka Kur Dkhar ya ka ngooh ka dem ha thaw Thangsati

July 6, 2025
Culture

Da pyndep ya ka Kñia Pyrthat ki Soo Langdoh ha Jowai

July 4, 2025
Culture

Ha ka 16 tarik u pynman ka Seiñ Raij Nongjngi ya ka lehniam Yadaw Masi

June 29, 2025
Next Post

Waroh ki party kwah ki wow kreh wow wai biang ya u mooyong: VH Pala

Discussion about this post

Wyrta

© 2025 WYRTA Khubor Hei Ktien Pnar

Navigate Site

  • About Us
  • Contact Us
  • Privacy Policy
  • Advertise With Us
  • Terms & Conditions

Follow Us

No Result
View All Result
  • Home
  • Politics
  • Culture
  • National
  • Sports
  • Life
  • English
  • Guest Writer
  • Entertainment

© 2025 WYRTA Khubor Hei Ktien Pnar