Ynne i janmiet, ka Urban Primary Health Centre, Loomkyrwiang, Jowai da chimkhia ko wow pynman ka e sikai næ Orientation Programme ya ki dkhot yong ki Mahila Arogya Samiti.
I thmu wa hakhmat yong kani ka Orientation Programme toh wow wanrah næ u yoh yeitæ i rukom krehkaam wa em i yajan wei ya sñiawthooh yumut hapyrdi ki bru ka UPHC, ki ASHA wa ki dkhot ka Mahila Arogya Samiti kiwa em ha ki dong ki chnong waphær waphær.
Ha ka yalang yahkhmat, neiliang u Dr. W. Suna, Medical Officer I/c UPHC, Loomkyrwiang kam u chongknor da e u ki kyntien yahkhmat wa tbian, katwa ka Marsalan Toi, ANM UPHC, Loomkyrwiang e ko i khana batai chaphang ki dak ki chin yong ka kjut Leprosy, ka M.F. Tariang, Staff Nurse UPHC Loomkyrwiang won e ko i klam i batai chaphang ka yurim krehkaam yong ki Mahila Arogya Samiti katwa ka Syiemki Pakyntein, Office Clerk da e ko i batai chaphang ka Untied Funds.
Chooh chooh iwa kyrpang ha kani ka sngi toh deiwa emlang leh ka Dr. Bhawya yong ka WHO Delhi wei da chimbynta ko leh wow khana batai chaphang ki jait kjut wa emkaam bha u chimkhia ki Community Health Worker.
Kyrsu kyntu ko leh wow e ka Wyrta chula haman ki chnong ki thaw wa i e Inject tika ya ki khonboo ki manbei katkam wa da booh ryntih da ka chnat i chait i khiah toh iwa emkam wei ymtoh u kheiñstiñ lada jia wa em i kjut prai, pynhiar, i kjut jem chyieñ, i iñdoh næ iwa mih hei doh i phaad ki khynnah wa toh u pyntip pynsmat khnang wa neiliang ki bru ka chnat i chait i khiah yow ye ki u leh yeiwa emkaam katwa dang biang i por.
Discussion about this post