Ka India ynne ka sngi da e sñiawbha ko ya i dawai yada COVID-19, i Covishield cha ka ri Sri Lanka wa Bahrain.
Ya ini da pyntip da u Anurag Srivastava, uwa man uwa ektien (Spokesperson) ka Ministry of External Affairs.
Kam wow pynkynmoo heini, u montri rangbahdooh ka ri, u Narendra Modi da kular u ya u montri rangbahdooh ka Sri Lanka, u Mahinda Rajapaksa ha u Naikhynde 2020 wa ka India daw kyrchaan ko katwa ye ya ka Sri Lanka hei yakhun ya kani ka khlam.
Hadooh katni, ka India da e sñiawbha ko ya ini i dawai cha ka Bhutan, Maldives, Nepal, Bangladesh, Myanmar, Mauritius wa Seychelles wei boon ki ri wa dooh kiwa kyruiñ cha ka India wow yoh ya ini i dawai.
Ka India won daw dai ko ya ini i dawai cha Saudi Arabia, South Africa, Bangladesh wa Myanmar.
Kam wow phnkynmoo heini, ka India man ko kawi na ki ri wa pynmih boon dooh ki dawai ha ka pyrthai.
