15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1

E yarap ka Chiarmon Dkhar da u khoo, piat, salah cha ki 54 yung ka Umchongpet, Wapungskur

3 Comments

Ka kong Chiarmon Dkhar, kawi na kiwa chong chnong wa pawkhmat, kawa sbun ka chnong Wapungskur, East Jaintia Hills District, da i mynsien wa sñiawkhia hajrong i chah ktah wa joor yong ki wa boon ki manyung mansem wa dooh wa duk, kiwa chong wa sah ha ka dong Umchongpet, Wapungskur, nei khang chnong ka ri India, wa em kjut khlam COVID-19, ynne ka sngi, da i mynsien sñiaw-wyrai, da yarap kyllooid mynsien ko ya ki kattu katni tylli ki manyung mansem yong ka Dong Umchongpet, Wapungskur, deiwa e ya ki da u khoo kamwa haduh 1050 kilo, u salah phareng 200 kilo, wa u piat 100 kilo.

Da em kamwa hadooh 54 tylli ki manyung mansem wa dooh wa duk yong ka dong Umchongpet, Wapungskur, kiwa da yoh bynta na kani ka yarap sbun mynsien yong ka kong Chiarmon Dkhar ynne ka sngi. Ya kitai ki mar-baam wa emkaam da saam ya ki cha kitai ki manyung chirup i emlang, wa i klam wa tbian wa i ngooh Blai na u Chairman yong ka dong Umchongpet, u G.R. Bareh, weiwa da saam deiwa pait leh ya i rukom boon bru ha kawi pa kawi na kitai ki thlu yung.

Ka kong Chiarmon Dkhar toh ka bru kawa da bna bha hei sbun wei khooid mynsien. Man haroh ko leh ka bru kawa jooh smat bha u yarap ia ki wa dooh wa duk, kiwa chem chitom chem jynjar lada heiwon heiwon i rukom leh, neipor chei por ha ki por kiwa da dep.

Ym toh du ya kiwa dooh wa duk jooh yarap ko, yarap ko leh yaka kur ka jait, ya ka chnong ka thaw wei kamjooh leh ya ka imlang ka sahlang ha kiwon kiwon ki bynta kiwa emkaam yei yarap.

Da ong haroh ko leh, wa daw pteiñ bait ko ya kani ka kaam yarap yong ka, khamtam cha kiwa chem chitom chem jynjar sakhiat ha kawa kam kani ka por, heiwa kiwa boon ki kup chilliang sem chilliang kiwa im na kti ha ktien da chah sangah joor ki dei yong sakhiat neidaw yong kani ka khang chnong neidaw yong ka kjut khlam COVID-19.

Previous
Next

3 Comments

  • April 2, 2020 at 2:53 pm
    Dawan Biam

    Em kam bha i kam ki ni ki Bru.. Ki wa ia rap ia ki wa duh wa duk kam ha I ni i por…. Khublei shi bun Kong ia Ka Jing leh bha iong phi.. ia ka Jing noh synniang phi ha ka im lang sah Lang… U Blai u em Lang u wa phi ha wa roh ki Liang

    Reply
  • April 3, 2020 at 2:04 am
    Chanmeki Chyrmang

    To god be the glory kong Dkhar

    Reply
  • April 8, 2020 at 3:49 am
    Jinus lipon

    Khublei chibun kha ia ka jinglehbha iongphi, u blai u kyrkhu kaphi, ki MLA , MDC leh waroh toh u iarap bha ki ia I ki paitbah kam hakini ki por khlam

    Reply

Leave a Reply