Ka Federation of Khasi Jaiñtia & Garo People (FKJGP) Nartiang Area Unit, ynne ka sngi ka 10 tarik da e yarap ko da ki tiar wow pynemkaam ha ka khnap thangbru heiwa da e yarap da ka Krong wei yeini da ekti cha ka Dorbar Chnong Nartiang.
Ya kini ki tiar da yarap da ki 2 ngut ki dkhot yong ka seiñ kitæ u Bin Raliang, Member Agriculture Cell Jaintia Hills Zone wa u Arwotki Myria, Asst. Information Secretary FKJGP Thadlaskein Block.
Ha kani ka sngi da pdiang ya kini ki tiar da u Waheh Chnong u Mum Phalangki wa u Secretary u Sati Swer wa ki bru rangbah ka chnong.
Chwa wow e ya kini ki tiar da em ka yalang wa tbian kawa pynlai da u Chairman chnong u Bait Myria, kiwa da pdiang leh ya ini i e yarap ka seiñ heiwa u Abipaia Bareh da e khublei u ya ki dkhot ka seiñ wa em yei mynsien yarap yaka chnong ka yong ki. Da yoh leh yei klam na u Bin Raliang wa u Wednesday Dkhar, General Secretary ka FKJGP Nartiang Area Unit.
Ha kani ka sngi da pynkhooid leh ya kani ka thaw thangbru da ki dkhot yong ka seiñ.