U Montri Rangbah ka Meghalaya, u Conrad K Sangma da pyntip u wa ynne da e yarap poisa Rs. 1 klur cha ka jylla Sikkim neibynta kitu kiwa chah ktah ha i chlai um ini wa dep.
U Conrad da pyntip u wa kani ka poisa toh kawa lyngba ka Meghalaya Chief Minister’s Relief Fund wei da phah ya ka cha ka Chief Minister’s Relief Fund ka Sikkim.
Kam wow pynkynmoo wa ha ka 4 tarik uni u bnai da em i chlai um ha North Sikkim wei hadooh kattæ dang pteiñ wow lai thooh ya kiwa sahkut wa kynthup ya kiwa uiñke suwari kiwa na baar ri.
Kiwa yap na ini wa jia da em ki 77 ngut wei yei metyap da em 36 ngut kiwa chem hapoh Sikkim hi katwa kamwa 41 ngut da chem ha kiwa boon ki thaw wa kynthup ya ka jylla West Bengal wei kiwa wiar leh dang em ki sa 76 ngut.
Discussion about this post