Jowai: Ka Seiñraij Tuber lyngba ka chnat Women’s Wing ynne ka sngi da saam ko ya ki Prize cha kiwa jop ha ka khle nasib ka seiñ wa da pynman ha ka 31 Duyatra 2020.
Kani ka khle nasib toh ka wow pynmih poisa ya ka thaw ri khonswet wa pynlai da ka chnat ka Seiñraij ya kawa da tip kam ka 7 Thyndai Childcare Institute cum Counseling Center.
Ynne ka sngi da em ka yalang wa tbian ya kawa da pynlai da ka T. Lyngdoh kawa man ka Chairperson ka Women’s Wing, hei emlang ka F. Ryngkhlem, wa kiwi kiwa kitkaam ka seiñ.
Ka T. Lyngdoh hawa e yei klam wa tbian da khana ko ya ka parom wa sdang ya kani ka thaw kawa da sdang la kamwa 3 snem kattu.
Ha kani ka sngi neiliang ka Sanikaru Dkhar na Tuberkmaichnong kawa da rah yei naam jop ha ka yakob 5th Mrs. Tuber 2020 da wan e sñiawbha ko ya ya ki khynnah wa em ha kani ka thaw da ki kot thoh (copy).
Ka Sanikaru da e ko ki kyntien sneiñ ya ki khynnah kani ka thaw wow man ki kiwa emsalon wa kiwa minot ha ki puræ puthi yong ki.
Chooh chooh ha kani ka sngi da saam leh ya ki Prize yong ka Makhians Mini Lucky Draw wa da pynman ha ka miet yakob 5th Mrs. Tuber 2020.
Discussion about this post