Shillong: I lehbha kiwa kawang bol ka Nagaland da pynrem ki yaka Meghalaya da 65 Run haka yalehke U-23 Col CK Nayudu Trophy wa pynman ha Golaghat, Assam ynne ka sngi.
Deiwa pteiñ na 140/5 iwa tam 131 Run yaka Meghalaya haka Innings wa ar, ka Nagaland da kamai ko 206 Run (All out) iwa booh thong yaka Meghalaya 198 Run yow jop tangwa da chah pynhaap lut ki Wicket hadien wa kamai ko 132 Run.
U Adarsh Joshi (4/43) wa Kishan Lyngdoh 1/7 toh kiwa da pynhaap Wicket yaka Meghalaya ynne.
Da ka Bat won, u Lyngdoh da dat u 6 tylli ki 4 Run yow kamai 25 Run na 15 Bol wei man u leh uwa ye u kamai boon Run dooh yaka Meghalaya ka wym ye u yoh lok kiwa Bat yow poi thong.
Haka yalehke U-23 Women’s One-Day Trophy hapyrdi ka Meghalaya waka Bihar da hap ieh noh chiteiñ neidaw wa hiar u slap.
Ka Bihar da kamai ko 149/7 kawa da pynduna cha ka 49 Over heiwa da em 4 tylli ki Run Out wa ki Wicket yaka Riticia Nongbet (1/21), ka Deiphibapynshngain L Mawnai (1/23) waka Sandria Momin (1/33). Ka Meghalaya da yoh ko 28/2 heipor wa hiar u slap. Kamtæ ki arliang da yoh ki mar ar point.
Discussion about this post