E yarap poisa ka sorkar cha ki 7 tylli ki Adhoc College wa 12 tylli ki People’s College

Ka sorkar Meghalaya ha ka yalang ki Montri namo ka Cabinet Meeting ynne da mynjur ki wow e yarap lyngba ka Grant-in-aid cha ki 7 tylli ki Adhoc Colleges kitæ ka Raid Laban College, ka Women’s College, Tikrikilla College, ka Durama College, Mahendraganj College waka Sohra College deiwa yarap su tulop 75% da ka sorkar wa 25% won u e da ka Managing Committee kiwa ym pu em yoh da ka 5th Pay Commission.

Ka sorkar hadien wa da pyrkhat bha ko da rai ko wa ka 5th Pay Commission man ko leh neibynta kini wei daw pynlait leh ya ka Arrear kawa da poi T. 11 klur kawa da kheiñ neibynta 4 snem chiteiñ.

Ka sorkar da pynbna ko leh yow pynskem ya 12 tylli ki Peoples College ha Meghalaya kitæ ka Thomas Jones Synod College, West Jaiñtia Hills District, ka Abong Noga College, West Garo Hills District, ka Khraw Sing Christian College, East Khasi Hills District, ka Ri War College, East Khasi Hills, ka Loyola College, East Garo Hills, ka Balawan College, Ri-Bhoi District, ka Mawsynram Border Area College, ka Selsella College, ka Seng Khasi College, Shillong, ka Mendipathar College, North Garo Hills, ka Sngap Syiem Memorial College, West Khasi Hills waka Tikrilkilla College, West Garo Hills wei kini leh u yoh ki ka tulop wow su da ka sorkar.

Ka sorkar da mynjur ko leh wow pynbna kreh neibynta Shillong Govt. College of Engineering waka College of Architecture & Planning, Tura. Wei da kini da yooluti wa daw ye u sdang noh ya ka puræ puthi ha u Naiynñiaw 2023.

Related posts

Da boonsien dep u yasyllok wa kiwa chongdai madan, phylla u Paul yei pynbaad wa leh yabor

November 24, 2024

Da 4 lak tam ki Vote jop ka Priyanka Gandhi ha ka Election wa nyngkong yong ka

November 23, 2024

Ka sorkar da mynjur ko leh wow pynkylla yei pyrtuid ka Capt. Williamson Sangma Technical University cha ka Capt. Williamson Sangma State University.

Ka Meghalaya toh ka wym em yaka State University wei waroh ki College da tipmit ya ki da ka NEHU, kamtæ ka sorkar da sñiaw ko wa da emkaam wow pynkylla pyrtuid ya ka Technical University cha ka State University yow e laad ya ki College hapoh ka jylla wow yoh noh yei tipmit hapoh ka State University wa thymme.

Da pynbna leh wow sdang ya ka BA wa B.Com deiwa thung kreh ya 39 ngut kiwa sikai wa kiwa kreh ka College of Teacher Education, Tura.

Ya ini da leh katkam ka New Education Policy (NEP) wa thymme ka ri kawa emkaam ya ki College wow em ki boon tylli ki lain puræ yow ye ka College of Teacher Education wow lai chakhmat katkam ka NEP, wei kini ki daw sdang ki ym slem de.