Shillong: U montri ka tnat Information and Public Relations Minister, u A.L. Hek ynne da e u ya ka tulop u kawa chi bnai cha ka Kerala Chief Minister’s Flood Relief Fund.
U Hek da ekti u ya ka Cheque wa T. 2,04,000 ha u montri rangbah ka Kerala, u Pinarayi Vijayan ha kamra krehkaam u ha State Secretariat, Thiruvananthapuram.
Neiliang u Pinarayi da ekhublei u ya u Hek uwa da ong wa em i yamaya hapyrdi kini ki ar jylla.
U Hek da ong u wa ini i e sñiawbha toh neiliang ki paidbah ka Meghalaya wow e i kyrchaan ya ki paidbah ka jylla Kerala. Da ong u leh wa i pynlang poisa hapoh ja Meghalaya Chief Minister’s Flood Relief Fund, dang lai i chakhmat wei ya kani leh daw ekti ha u Montri Rangbah ka Kerala.
U Hek da lai yachem u leh ya u payu waheh u (L) M. M. Jacob uwa jooh man kam u lat wa slem dooh ka jylla Meghalaya uwa da man kam u lat hadooh 12 snem.
Discussion about this post