Shillong: u Bobby Shangdiar uwa na Nongthymmai-Mawsmai, uwa wan na ka manyung wa duna ka yoh ka kot, da chah jied u wow mihkhmat cha ka lympung yakob pynyoo sap ha Dehradun haka India’s Talent Fight, wei ini da pynkhih ko ya ki bru wa em mynsien wow pyrkhat lang ya uni u khynroo wa em sap.
Ynnin ka sngi u Rocky Hek, uwa da yoo ya ka Video chaphang uni u khynroo ha YouTube da phah yachem u wa uni u khynroo yow e sñiawbha cha oo da ka poisa waka tiar tem sur yow yoh u sikai chaad.
Neiliang u Rocky Hek da ong u wa ym ye khlem da yoo wyrai ya uni u khynroo uwa da mih madan cha kani ka lympung wot hapyrdi i eh wa hap u wow pait wow psa ya ka yung ka sem deilang wa ki diah yong oo. “Nga sñiaw oo wow kyntu ya oo wow nang leh bha wow pynemkaam hok ha ka sap kawa oo em u ha ka chaad wa yoosuk yong oo”, da ong u Rocky Hek.
U Rocky Hek da khut u ya uni u khynroo ha yungkrehkaam ka BJP wow e yarap sñiawbha ya oo deiwa emlang kiwa kitkaam ka BJP. “Nga kyntu oo ya kiwi de ki bru wa kyllooid mynsien wow e yarap ki ya uni u khynroo wa em sap khamtam kiwa wan na ki manyung kiwa duna ka yoh ka kot wow e mysien ya ki”, da ong u Rocky.
Discussion about this post