Jowai: Ka seiñ HNYF-Middle East kawa pait ya ka ka imlang sahlang da e khublei kyrpang ko ya ka Balang Presbyterian Rymbai wa da chimkhia ko wow chna pynmiat ya u sarok uwa man u thiedsnaam ki paidbah uwa jrong kamwa 6 km nadooh na Ladrymbai hadooh Rymbai.
“Waroh chi kattu uni u sarok da sih u hadooh kattæ heiwa da ktah joor u yei lai i wan ki paidbah kam hei chitom i saja khamtam ki kynthai heipor wa lai thooh dawai ki hawa punkhon ki” da ong seiñ.
U Benjamin Makhon uwa man leh kam u president ka seiñ da ong u wa nadooh ka 26 Naiynru wa da chna pynmiat ya uni u sarok da rap suk i lai i wan ki paidbah.
Ka seiñ da pynbaad ko leh ya kiwa mihkhmat wa da chong kyllaiñ kti hi-eh ki neibhah wym chimkhia ki yeiwa duna wa emkaam ki paidbah khamtam kiwa na ka chnong Umshong, Iapmala, Lumsken, Umshitai Pynurkba, Bataw, wa kiwi kiwi.
Neiliang ka seiñ da pynsñiaw ko wa kiwa kiwa mihkhmat wow dam noh ki wow thoohlaad hi-eh ha ki por election kamwa da leh haphrang ki paidbah waroh chi kattu.
Ka seiñ da e khlublei ko ya u pastor SB Lyngdoh wa yaki tymmen wasan, ki rangbah balang, ki manbei manpa wa kiwi kiwi kiwa da mih wow chna pynmiat ya u sarok.
Also Read: Mih yonglang ki paidbah hei yahkhmat ka Balang Presbyterian wow pynmiat ya u sarok Rymbai Road
Discussion about this post