Jowai: Ka Jaiñtia Students’ Union (JSU) seiñbei ha ka khubor wa pyllait da u Art & Culture Secretary u Chebha Passah da pynsñiaw ko yei sñiawngooh ya u CEM yong ka JHADC wa ya ka Executive Commitee yong oo kamjooh leh ya waroh ki MDC kiwa kreh chitom hei wow pynkha ya ka tnat Art & Culture hapoh ka JHADC ha kani ka Dorbar kawa dang dep.
Ka JSU da ong ko wa dap ko dei sñiaw kmen wa khroo yei lai luti ka JHADC hapoh i yahkhmat u T. Shiwat kam u CEM neibhah lyngba kani ka tnat thymme daw ye u ri sumaar ya ka dustur ka riti ka jait bru wei da mang tyngka hadooh 88.85 Lak deilang wa uwi u sahep wa 6 ngut kiwa kreh man ko ka moomer wa nyngkong wei uwa emkaam bha.
Sa kiwi de ki kaam wa dang sah wa da dawa ka JSU na u CEM toh wow pynbait ya u pood u ang ki Elaka kiwa em hapoh ri-loom Jaiñtia wei wow chna ya ki aiñ wow yada wow pynneh ya ki um ki wah.
Sa chisien ka JSU leh ym em mylliñ ko yei pynkrehkaam u CEM wa ka EC yong oo ya ka Non-Encumburance Certificate ha kani ki por wa da dep katkam wa e buit ka JSU.
Also Read: Ym em tnat Art & Culture hapoh ka JHADC: JSU
Also Read: Yachem ka JSU ya u Dy. CEM ka JHADC hei yatoh wa ka Non Encumbrance Certificate
Discussion about this post