E yaroh u Dr. Mukul ya ki seiñbhalang ka jylla heipor wa wai u ya ka yung krehkaam ka GSU

Williamnagar: U Montri Rangbah da yaroh u ya ki seiñbhalang ka jylla kam ka GSU, KSU, JSU, FKJGP wa kiwi kiwi yei pteiñ ki u kreh neibynta ka imlang sahlang kamjooh ki khynnah puræ hapoh ka jylla.

Heipor wa wai ya ka yungkrehkaam thymme ka Garo Students’ Union (GSU) East Zone ha Williamnagar hei emlang ka Montri ka Puræ Puthi ka Deborah C. Marak kawa man leh ka MLA kani ka thaiñ ynne ka sngi, u Dr. Mukul da ong u leh wa ka sorkar da ye ko u pynbait ya kiwa boon ki kaam deiwa yaklam da kiwa mih soh wa ki seiñbhalang. Ini da yarap ko ya ka sorkar wow wanrah ya ki kaam pynroi hapoh ka jylla.

“Ym em por em thaw u pyllut da ki yakhih paidbah emkaam u kreh neibynta ka myntoilang ki paidbah ha waroh ka jylla” da ong u Dr. Mukul.

Da ong u wa da seiñ ya ka GSU ha ka yurim wa biang kamtæ da kyntu u ya ki dkhot yong ka wow krehlang ki wa ka sorkar wei da e nongmuna u ya ki kaam wa bha wa da leh ka GSU kam wow pynpoi ya ka NEHU Tura Campus kam kawi na ki, wei da yooluti u leh wa na kani ka Tura Campus u mih boon iwa bha na ka.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025