E yumut u CEM wa kiwa synchaar chnong wow booh yaki Quarantine Center ha ki chnong

Shillong: Ka kynhun kiwa synchaar chnong hapoh i yahkhmat u Chief Executive Member ka KHADC, u Titosstarwell Chyne ynne ka sngi da kyntu ki yaka sorkar wow pynchlur ya ki dorbar chnong wow booh ya ki Quarantine Center næ ki thaw wa kyrpang wow chong chipor kiwa chong chnong kiwa liwan cha ka jylla, ha i jooh i por kani ka kynhun da pynsñiaw ko leh yei eh wa ki dorbar chnong da yachem ki khamtam wow pynbiang ya ki bru kiwa yarap ya ka chnong wow paitbniah ya kitai ki thaw.

Kiwa synchaar chnong wa kynthup ya ki Syiem yong ki Hima, ki sordar wa ki dkhot ka Synjuk ki Nongsynshar Shnong ka Bri Hynniewtrep (SNSBH), ha chwa wow pynsñiaw ki yeiwa emkaam cha ka ka sorkar da ya phyllu yumut lang leh wa u CEM ka KHADC wow pynlai yaki krehkaam khamtam ha kini ki por wa kiwa chong chnong da liwan ki na kiwi ki jylla.

Hawa klam wa ki laad pathai khubor, u Titos da ong u wa ha kam kini ki por emkaam wow man kiwa husiar wow paitbnhiah wei wow pynrkhiñ deiwa ya krehlang ki dorbar chnong. Da ong u wa ka kynhun da kyntu ko ya ka sorkar wow pynchlur wow booh ya ki thaw Quarantine. U CEM da pyntip u wa em ki chnong kiwa da dep wow leh ya kini deiwa pynkhreh ha ki yung skur, ki dorbar hall, tangwa i eh wa tyngkhooh ki toh ya kitu kiwa yarap wei ka sorkar emkaam ko wow peit lang ya kitu Volunteer.

U Chief Executive Member hawa yachem wa u Montri Rangbah da kyntu u leh yaka sorkar wa toh u bichaar bniah bha leh ya kitu kiwa liwan yow pyntikna wa toh bait du ki nong Meghalaya wa wan chapoh ka jylla.

Related posts

Em 151 tylli ki kreh wa thylli, phah u Wailad ya ka DSC wow thooh lada dang em chooh kiwa wa lait

May 16, 2025

Lai ood ki MDC ka VPP ha ka sorkar wym yoh Scheme sorkar pyrdi ha ki Constituency wa em ha sor

May 13, 2025

U Secretary ka SNSBH, u Rap L Blah da ong u wa ha sor wa nongkyndong em ki jar jiar i eh, tangwa da pynsñiaw u yei sñiawngooh ya ka sorkar wa da yoo ko yei sakhiat wa ki Center ym ye ki palat ya ki 1000 ngut, katwa kiwa wan da palat ki 7-8 hajar ngut.

Da pyntip u wa ka synjuk da pynsñiaw ko ha ka sorkar wow pynshlur næ wow yarap wow wan chakhmat wow e yaki thaw wa em ki yow pynman kam ki Quarantine Institute, deiwa pynrap wa ka Balang Katholik toh kawa wan nyngkong dooh wow tyrwa ya ki skur. Chooh chooh da ong wa em ki dorbar chnong kiwa em i mynsien tangwa ym em won ki thaw wa biang.

Ha i jooh i por u Blah da kyrpaad u ya waroh wei kamjooh kiwa pynlai yaki thaw puræ wow e laad u pynemkaam kam ki Quarantine Center wei da pynchlur leh ya kiwa ha yung wow pynbiang ya ki tiar wa emkaam.