Ekhublei u Modi yei e yarap poisa sñiawbha ka Bhutan, Nepal wa Maldive ya ka India

U montri rangbahdooh ka ri India, u Narendra Modi da ekhublei u ya ki le tylli ki ri wa kynthup ya ka Bhutan, Nepal wa ka Maldives kiwa da e yarap sñiawbha ya ka India hajrong i yakhun pyrchah ya u COVID-19.

U Modi da ekhublei u ya u montri rangbahdooh ka Bhutan, u Dr. Lotay Tshering wa ka ri yong oo kawa da e yarap $ 100,000 cha ka COVID-19 Emergency Fund ka India.

Da ekhublei u leh ya u montri rangbahdooh ka Nepal, u KP Sharma Oli uwa da pynbna wow e yarap cha ka COVID-19 Emergency Fund hadooh NPR 10 klur iwa pynyoo waka Nepal wa kiwi ki ri hapoh ka SAARC leh sñiawkhia ki yei yakhun pyrchah ya uni u khñiang.

Chooh chooh da e khublei u leh ya ka sorkar ka ri Maldives wa da e yarap poisa sñiawbha ko hadooh USD 200,000 cha ka COVID-19 Emergency Fund iwa dang pynskem yei yakhun chirrup pyrchah ya uni u khñiang.