Ka High Level Committee (HLC) kawa da thung wow kyrriah ya ki bru wa sah ha Themmetor næ Sweeper Lane, ynne ka sngi da ekti ko ya ka bui wa pura cha ka sorkar jylla, wei hadien wa ka HLC da ekti ko ya kani ka bui ka sorkar daw chim ko ya i rai hapoh ka dhab ki Montri.
Kam wow kdaw heini wa i yakhih Themmetor da khai im biang ko nadooh ka 31 Naisan 2018 iwa da ktah yei chongsuk ha waroh kawi ka jylla, wei hadien ini neiliang ka sorkar da rai ko wow chna da ka HLC wow thooh ya ki laad wow pynbait noh ya ini i kaam hadien wa da mih i dawa wow kyrriah noh ya kini ki bru wa sah heini.
U Chairman ka HLC uwa man leh u Symbood Montri Rangabh ka jylla, u Prestone Tynsong da ong u wa ka sorkar daw bichaar ko ya i chem ka HLC wei daw puræ bniah ko wow rah hapoh ka Cabinet.
Hawa kylli, u Prestone da kyntait u wow ong iwon iwon hajrong kani ka bui tangwa da ong u wa iwa sah toh ya ka sorkar wow chim ya i rai.
