Em 151 tylli ki kreh wa thylli, phah u Wailad ya ka DSC wow thooh lada dang em chooh kiwa wa lait

U MLA ka Jowai, u Wailadmiki Shylla ynne da chong yalang u wa u Deputy Commissioner ka West Jaiñtia Hills uwa man leh u Chairman ka District Selection Committee (DSC) wa u Secretary heiwa da phah u ya ka DSC wow thooh sa katwon tylli ki kreh wa lait hapoh ka District ha waroh ki Department khnang wow ye u khut smat noh ya ka Advertisement.

Da pyntip wa ki kreh LDA wa dadep pynbna nadooh u 2021 da ka DSC da em ki 54 tylli tangwa ka Result wa pynbna dang ini wadep kiwa Pass won ha ka Typing da em ki du 49 ngut donhi iwa sah sa 5 tylli ya kiwa daw pynbna biang ha i por wow wan.

Ya kiwa Pass LDA da thung ya ki ha jar jiar ki Department wei kiwa dang sah u thung toh ya kiwa ha yung krehkaam u DC wei ha kani ka 19 tarik uni u bnai u e noh ya ka chithi thung kreh ya ki.

I kreh Weaving Demonstrator kiwa em 14 tylli wa da khut na u 2020, da pyndep ya ka Written Exam wei ya ka Result u pynbna ha ka 19 tarik uni u bnai, ki kreh Gram Sevak wa Gram Sevika wa da khut ha i jooh i por da pyndep ya ka Written Exam wei ya ka Result daw pynbna noh wei u pyndep ya ka Interview wa i thung kreh hapoh u Naiynñiaw uni u snem.

Related posts

Lai ood ki MDC ka VPP ha ka sorkar wym yoh Scheme sorkar pyrdi ha ki Constituency wa em ha sor

May 13, 2025

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Heiyatoh wa ki kreh wa dang dep pynbna Advertisement wot ini wadep kiwa ym pu em khut Written Exam kiwa kynthup ya ka 92 tylli ki kreh ha ka Grade IV ya kiwa da khut Advertisement nadooh u 2021, tangwa neidaw wa wan ka Roster da thut noh i kaam waroh wei deiwa pynbait lut daw ye noh u khut ya ka Written Exam hapoh u Naikhynde uni u snem wei ya ka Weaving Demonstrator wa 2 Post wa da khut ha u 2024 daw khut noh ya ka Written Examination.

Heiyatoh won wa ki kreh wa da khut Advertisement ha u 2025 wa kynthup ya ki LDA (34), Male Supervisor (1), Gram Sevak (3), Gram Sevika (2), Copyist (1) u khut ya ka Written Exam hapoh uni u snem.

U Wailadmiki da ong u wa hadien wa phah ya u DC wow thooh ya ki kreh wa dang lait, ki chnat da pyntip ki yeini heiwa da chem ki kreh Gram Sevak wa em 4 tylli wa LDA 12 tylli ya kiwa daw khut noh ya ka Advertisement wut-wut hapoh uni u snem.

Da pyntip u leh wa i daw wa slem wow pynman ya ki Exam toh wa wan ka kjut khlam weiwa chem chitom wow yoh ya ki Examination Hall.