theme-sticky-logo-alt
theme-logo-alt
Advertisement ad1
Advertisement ad1

Em 1652 tylli ki Self Help Group wa 87 tylli ki Village Organization hapoh Khliehriat C&RD Block

Advertisement ad1
Advertisement ad1

Kam chibynta i dap 50 snem ka jylla, ka yung krehkaam u Block Development Officer, Khliehriat C&RD Block ynne da pynman ko ya ka Self Help Group Mela cum Health Camp ha pchem ka yung krehkaam u Deputy Commissioner, East Jaiñtia Hills District, Khliehriat heiwa u Kyrmen Shylla, u Montri ka chnat Social Welfare Department da man u kam u kongsan. 

Ya kani ka yalang da pynman wow pynsñiawthooh hajrong ka Poverty Alleviation Programme namo wow pynlait nei dooh i duk wei kani toh kawa em hapoh ka National Rural Livelihood Mission (NRLM) lyngba i kreh ki manbei ha ki SHG ha ki thaw wa em cha palatsor wei wow yarap ya ki u yoh myntoi ki na ki Bank.

U Kyrmen Shylla, hawa e yei klam da ong u wa da kut i por heiwa ki kynthai chong kreh ki ya ki kaam yung wei i em ki SHG hapoh ka NRLM da yarap bha i ya ki wow kamai ki. 

Da kyntu u leh ya ki sahep ka District wow pynche pynsñiawthooh hajrong ki Scheme sorkar wei kammon u ye u yoh myntoi na ki. 

U E. Kharmalki, hawa e yei klam da pyntip u wa em hadooh 1652 tylli ki Self Help Groups (SHGs) wa 87 tylli ki Village Organizations (VOs) hapoh Khliehriat ka C&RD Block wei ini daw yarap bha i hei wow pynduna ya i dooh hapoh ka District.

U Ronald Kynta, Chief Operating Officer ka NRLM waka MSRLS da pyntip u wa ya ka National Rural Livelihood Mission (NRLM) da sdang ha u Khonchonglad (Nov) 2014 wei katni em 35,000 tylli ki Self Help Groups (SHGs) wa 4,00,000 tylli ki manyung wa yoh myntoi ha ka jylla wei da khana u wa ka thong yong ka National Rural Livelihood Programme toh wow em 42,000 tylli ki Self Help Group hapoh ka jylla. 

Ha kani ka sngi da e leh ya ka khusnaam SHG Social Mobilization for 100 % HHs Saturation cha ka chnong Sohkymphor, Iahluti VO, Tubershohshrieh, Iasakhilang VO, Pynthorsale, Iakyntulang VO, Mutong, Mutong VO, Larsen VO wa ka Larseng. Ka khusnaam neibynta ka COVID-19 Vaccination Mobilization with 100 % COVID-19 da yoh da ka Iaseinlang VO wa Nangkiewshaphrang VO na Cham Cham, Malidor wa ka Deilangchirup VO na Mookympad. 

Kiwi kiwa da klam kynthup ki ya u S.S. Syiemlieh, Additional Deputy Commissioner, Khliehriat, East Jaiñtia Hills, N.M. Momin, Chief Judicial Magistrate cum Secretary District Legal Services Authority, u R. Pyrtuh, Block Development Officer wa u T. Shylla, Block Development Officer C&RD Block Saipung wa Khliehriat. 

Ha kani ka Mela cum Health Camp da em 14 ngut ki bru wa thap pyrtuid ha ka Meghalaya Health Insurance Service (MHIS), 9 ngut ha ka AADHAR Card, 53 ngut wa thap pyrtuid ha ka RSETI, 120 ngut ha ka PMSBY, 32 ha ka APY wa 152 ngut ha ka PMGGY. 

Da em leh 50 tylli ki SHG kiwa da wai ya ki Bank Account, 8 tylli ki VO wa wai Bank Account. Da em 23 tylli ki ram wa da e da ka Meghalaya Rural Bank wa kiwi kiwi. 

Share this:
Previous

Chim smai u Ranjit V More kam u Chief Justice wa thymme ka Meghalaya

Next

U kyrchaan pura ka HSPDP ya u Eugeneson kam u kyrtong ka UDP na Mawphlang