Ka Central Executive Committee yong ka Hill State People’s Democratic Party (HSPDP) da rai ko wow kyrchaan lang ya u kyrtong ka United Democratic Party (UDP) ha ka yakhun ya ka Election chiteiñ samoi na Mawphlang, katwa neibynta ka Mawryngkneng wa Rajabala, ka HSPDSP ym em rai ko wow kyrchaan ya uwon uwon.
Hawa klam hadien ka yalang yong ka CEC, u President ka HSPDP u KP Pangniang da ong u wa neibynta ka Election chiteiñ samoi na Mawphlang, ka Party da dep ko wow yaklam chwa wa u President ka UDP nadooh nachwa wow pynbna ya u Eugeneson Lyngdoh kam u kyrtong.
Ha iwi i liang uwa yahkhmat ka HSPDP da ong u wa chwa wa ka Party daw lai ko wow yalap ya ka Election chiteiñ samoi ha Mawphlang neibynta u kyrtong ka UDP, kwah ko leh wow em i yachem lang ka Regional Democratic Alliance (RDA) khnang wow pyrkhat kammon wow lai chakhmat ha ka Election.
