U Vice President ka ri, u M Venkaiah Naidu ynne ka sngi heipor wa sdang ka Webinar wa pynman da ka Ministry of Education and Ministry of Culture hajrong ka ‘International Mother Language Day’ da e nongmuna u wa haRajya Sabha da em ki kyndon heiwa ki dkhot ye ki u klam ha kiwon kiwon ki 22 tylli ki ktien (Scheduled Language).
U Naidu da ong u wa ka United Nations da maham ko wa man ka ar tayaw wiar ki ktien klam ki bru iwa ktah ya i man kyrpang yong ki jaitbru deiwa pyntip leh wa em 196 tylli ki ktien ha India wei boon na ki toh kiwa em hei maa (Endangered Languages) deiwa kheiñ i boon kiwa klam ha ka pyrthai heiwa da yaroh u leh ya ka Scheme for Protection and Preservation of Endangered Languages (SPPEL) yong ka Ministry of Education hajrong ini.
U Vice President da ebuit u wa emkaam wow tip boon ya ki ktien klam wei wow pynkhlan yei tip ya i ktien yong-i-dæ (Mother Tongue) deiwa kyntu ya ki manbei manpa wa kiwa sikai wow sikai u klam ya ki ktien ka ri wa ki yong kiwi ki ri (National and International Language).
Da yaroh u leh ya ki kaam ka sorkar pyrdi ya kiwa kynthup ya ka National Translation Mission, ka Bharatavani Project deiwa sdang leh ya ka Bharatiya Bhasha Vishwavidyalaya (BBV) wa Indian Institute of Translation and Interpretation (IITT).
U Naidu ynne ka sngi da wai u leh ya ka International Virtual Calligraphy Exhibition.
Kiwi kiwa da embynta ha kani ka Webinar toh u Dr. Ramesh Pokhriyal, Education Minister, u Prahlad Singh Patel, Minister for Culture, u Sanjay Dhotre, Minister of State for Education, Dr. Sachidanand Joshi, wa kiwi kiwi.
