U Montri Rangbah ka jylla, u Conrad K Sangma hawa e yei jubab ynne ka sngi khaddooh ka Dorbar Synrai hajrong kiyi ki kyndon wa da jied wow pynmih District thymme, da ong u wa da pait yei heh i thaw, i boon bru, i jngai na kiwi ki District/Sub-Division Headquarter, i biang ki thaw puræ wa ki thaw sumaar, ka khayi pateiñ, i dap poisa wa kiwi kiwi de.
Neiliang u George Lyngdoh, MLA ka Umroi uwa da kylli ya ini, da pynbood u deiwa kylli leh kammon man kiwi ki dawa yoh District hadien wa ka sorkar da pynbna ko ya ka Mairang kam ka District wa thymme.
U Conrad da pyntip u wa da em kamwa 8 tylli ki dawa District thymme wei neiliang ka sorkar da bichaar ko ya ini neibhah em ki chnong wa hap pyrkhat cheiwon u haap ki yow pynsuk ya ki manda yoh District thymme, deiwa pynrap wa ym toh wym kwah u khana lut ya ini waroh neibhah wa ka sorkar ym pu em u chim ko yei rai wa khadooh.
Neiliang u George ym em de yoh u wow boddien chooh chooh neidaw wa kut noh ka kynta wa da booh yow kylli wei wow jubab.
