U Montri Rangbah ka jylla, u Conrad Sangma hawa yaklam wa kiwa thoh khubor ynne ka sngi heiyatoh wa iwa jia ha ka 19 tarik, da ong u wa iwa jia toh iwa sñiawsih wei em ki bru kiwa kwah wow wanrah yei tieñ hapoh ka chnong ka thaw wei ya kam kini ki bru ym ieh ki wei daw pynchitom ki deiwa khor.
“Hao da ini wa jia da mih i thut hadien wa kiwa na Assam leh da pynyoo ki dei kaam wei yeini leh da hap wow pynbait deiwa yaklam wei da ye wow booh yeini chadien wei kattu toh u lai chakhmat deiwa man kiwa chemphang nadooh ki seiñbhalang kamjooh ka sorkar deiwa pait yeiwa dep jia,” da ong u Conrad.
Da ong u wa em i ya ka hok wow pynman yei yakhiah deiwa jai jai tangwa ym em mut wow chim ya ka aiñ ha kti yong phi wei ym mut leh wa ye u leh katwa ngait hadooh wow dat ya ki bru paidbah wei ka sorkar kwah ko wow klam che wym e laad ya kam ini.
Chooh chooh da ong u wa ka sorkar wai ki dwar ko neibynta kawon kawon ka mat yow yaklam tangwa em u pood wym toh u kaap wym ymtoh u leh, wei ya kiwon kiwon kiwa kaap ya uni u pood daw pynchitom ki katkam ka aiñ.
Discussion about this post