Em hi ki MLA na kiwi ki seiñ kiwa kwah u psiah cha ka NPP: Conrad

Shillong: U President wa khlieh dooh ka National People’s Party (NPP) u Conrad K Sangma da kam u wa em ki MLA na kiwi ki seiñ kam ka Congress kiwa da pynsñiaw wa kwah ki wow psiah cha ka NPP tangwa i yaklam heiyatoh wa ini dang lai i chaphrang.

U Conrad heiwa klam wa kiwa pathai khubor ynne ka sngi, hadien wa pdiang ya ki ar ngut ki MLA warim na Jirang kiwa kynthup ya u Slomik Kalwing wa u Pastor G. Lyngdoh chirup wa ki 18 ngut ki bru waphær waphær na ki seiñ wa kynthup na ka Congress wa na HSPDP. Da ong u wa i pdiang ya ki MLA na kiwi ki seiñ ym man i kamwa pyllait yei kiad warim ha u klong wa thymme neibhah ki wym yohlaad ki u kreh hapoh ka sorkar wa yahkhmat u Mukul.

Da pynbaad u wa kani ka sorkar MUA-II wa yah da u Dr. Mukul Sangma toh ka sorkar kawa yahkhmat da uwi u bru u wym jooh yohlaad kiwi ki montri u yachem.

Katkam wa kam u Conrad da ong u wa i mynthi wei mutlop u Dr. Mukul kiwa boon ki MLA ka Congress da yachem ki wei eh i khoo wa khroo wow yakreh wa oo.

Related posts

Wa thung ka BJP da ki bru yong hi tæ mih i kynrum kynram ha NEHU: Ronnie

November 15, 2024

Dang jan u lai na Shillong cha Vietnam, Thailand, Laos, Cambodia wa Burma bar cha Delhi: Conrad

November 14, 2024

Da khut leh ya kiwi ki seiñ wow yakrehlang wa ka lait noh na ka Congress namo kiwa yatoh wa ka khnang wow wanrah ya ka sorkar kawa khlem Congress hadien u 2018.

Da pyntip u leh wa ka NPP smat ko u kreh wa kiwi ki seiñ saiñ pyrthai kiwa em ka jooh ka thong tangwa ympu em u yaklam iwon iwon hei yatoh wa ini.