Kiwa ha-yung ha-sem kiwa dang yang yei metyap u Halmindra Kharkyliang da pynsñiaw ki yei wym ye u pdiang yei chah tynyap u ha kti ki paidbah du neidaw wa chah pynbaad thmu slaitbor ya kawi ka kynnah kynthai ha i chnong Nongthliew wa em ha Eastern West Khasi Hills ynnin ka sngi.
Yei metyap u Halmindar da leh Post-Mortem ha Shillong Civil Hospital ynne ka sngi wei neiliang kiwa ha-yung da pynsñiaw ki yei wym ye u pdiang yeini i leh ki paidbah.
Kawi ka manbei da ong ko wa ki paidbah em hok ki wow bichaar namo wow takit ya oo lada emkti sakhiat itæ i chah pybaad wa embynta ha ki kaam sih, tangwa yow bom u dat dusmon ya u bru hadooh wa khlaad, neiliang ka yung ka sem ym pdiang ko.
Kam wow kdaw heini wa ynnin ka sngi, ar ngut ki bru da chah bom ki hadooh wa yap ha ki paidbah hadien wa chah pynbaad wa lai psiah ki ha kawi ka yung deiwa thmu wow slaitbor ya kawi ka kynthai heiwa da sai ki leh da ka tari yow maham ka.
Katkam wa khana kiwa ha-yung u Halmindar, em u 7 ngut ki khon wei man u leh uwa kreh mylla chna Pipe um wei man u u bru uwa chisur hanla man u u bru wa myllien wow dih kiad.
Discussion about this post