December 13, 2022
Ynne ka sngi hawa yaklam wa kiwa pathai khubor heipor wa wai ya ka Barato Police Outpost neiliang u Superintendent of Police ka West Jaiñtia Hills, u Bikram D Marak da ong u wa i wai ya kani ka Police Outpost toh wow wanrah ya ki chakri ki pulit chajan wa ki paidbah.
Heiyatoh wa i em ki pulit ha kani ka Outpost, da ong u wa dang man iwa wai wei daw pyntoh pynjanai ya ini ha ki por wow wan.
Da kubur u leh wa em i duna ki pulit tangwa ymtoh chawa palat wei daw yaleh katwa ye wow pynlai ya kani ka Outpost khnang wow yoh i kyrchaan na kiwa chong chnong wa marjan leh kamjooh hapoh ka Barato Ooutpost ha ki sngi wow wan.
Heiyatoh wa i em ki pulit ka sorkar pyrdi (BSF) wa em ha mukroh wa da man ki kam ki moochynthut ya ki pulit ka jylla, neiliang u Bikram da ong u wa ki Central Armed Police Force (CAPF) kreh lang ki chirup, wei da bhah salonsar ya i kaamram yong ki la heiwon iwon i thaw.
Heiyatoh won wa i duna ki tiar ki tar wa pynbiang ya ki pulit kiwa em ha Mukroh, u Bikram da ong u wa ye u em i duna heini heitæ wei iwa ye u slem tangwa ymye wow kyntait yeiwa emkaam ki.
