December 13, 2022
Ynne ka sngi hadien wa wai ya ka Barato Police Outpost, hawa yaklam wa u MLA ka Mowkaiaw u Nujorki Sungoh, da pyntip u wa ya ka Border Out Post ym slem de da booh ya ka wei katwa ye u yaleh wow booh ya ka hajan u pood ka jylla.
Da ong u wa neiliang yong oo da yaklam u wa ka sorkar wa katwa ye toh u ngiat chakhmat wow booh ya ka BOP chaphrang Mukroh wot chaphrang ka Forest Gate ka Assam.
Heiyatoh wa ka BOP ha Psiar/Khatkasla, da ong u wa dang lai i chaphrang heiwa daw rai kat hadooh heiwon u booh ya ka BOP la ha Psiar namo ha Khatkasla.
U Nujorki da pynrap u deiwa ong wa hadooh kini ki sngi dang chah pyndik ki paidbah ha ki pulit ka Assam wa kiwa kreh ka Forest wei da emkaam sakhiat wow booh noh ya ka BOP.
