Em ka kynhun wa pynlai tooh ya u mooyong na ka jylla cha baar: Dr. Mukul

Shillong: Uwa yahkhmat ya ka liang pyrchah ha yung dorbar chna aiñ ka jylla, u Dr. Mukul Sangma da pynbaad u wa hapoh i synchaar ka sorkar Meghalaya Democratic Alliance (MDA), em ka kyhun kiwa pynlai yaw wei challan tooh ya u mooyong cha baar jylla.

Hawa yaklam wa kiwa pathai khubor, u Dr. Mukul da pynbaad u wa kani ka sorkar MDA wa yahkhmat da u Conrad K Sangma da pyrchang ko wow murieh yeiwa sakhiat wei da pyrchang ko leh wow takleiñ ya ka hukum ka Lokayukta, kawa da phah ekti ha ka Central Bureau of Investigation (CBI) hajrong i pynemkaam bakla wow baam-tooh ha i challan mooyong tooh.

U Dr. Mukul da ong u wa ka liang pyrchah ym e laad ko ya ini i thmu ka sorkar wow muhrieh wei wow lehbor ya ki kaam tooh.

Da dawa u wa emkaam i takit wa laitlooid ha ki thaw pynlang mooyong wow emlang ki seiñ saiñ pyrthai, ki bru ka sorkar wa kamjooh kiwa pathai khubor yow che waroh.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Katkam i ong u Dr. Mukul, i leh ya ki kaam tooh ka sorkar hajrong i pynlai ya u mooyong, da pyndooh nong i ya ka sorkar jylla wei ka poisa paidbah da lai ko cha ka kata ki bru khwan myntoi.

Da kam u leh wa i pynbaad wa emkti u montri ka kaam pohyung ka jylla (James Sangma) wow e laad wow challan tooh ya u mooyong toh deiwa tip u montri rangbah ka jylla.

Da ong u wa kawon kawon ka kaam wa leh u montri ka kaam pohyung, u montri rangbah ym ye u wow beiñ neibhah lada leh u kamtæ da beiñ u pyn da-oo ya-oo hi neibhah i bor wa hajrong chong ko ha u montri rangbah ym toh ha u montri kaam pohyung.