Em ki kyndon wow pyllait nei wow leh Post-mortem ya kiwa yap mynsoo

Shillong: U Montri ka kaam pohyung ka jylla, u James K Sangma da ong u wa i leh ya ka Post-mortem toh katkam ka section 174 wa 176(5) ka Code of Criminal Procedure, 1973.

Hei yatoh won wei i wym kwah kiwa hayung wow leh ya ka Post-mortem, neiliang u montri da ong u wa kiwa hayung ye ki u kyrpaad na u OC, tangwa ya ka rai daw chim da ki Magistrate katkam ka aiñ, ya ini u James da jubab u yeiwa kylli ka MLA na East Shillong, ka M Ampareen Lyngdoh ha ka dorbar ynne ka sngi.

Hei yatoh wa i kylli wa pynrap u MLA ka North Shillong, u Adelbert Nongrum, wa kiwa hayung yong kiwa yap mynsoo chem chitom ki neibhah wa nalor i jia wa sñiawsih haap yang ki leh waroh chi miet ha pchem ki Hospital wow chimkti ya ka met hadien wa da pyndep ya ka Post-mortem, u James da ong u wa ya ka Post-mortem ym jooh leh hei miet, wei ya ka Post-mortem da jooh leh ha i thaw wa yap u namo ka bru, lada toh wa chah tynyap, chah tyrrah namo i tynyap pyndaki yaki hi.

Da ong u wa ya ki bru wa ngat ha kini da pynkit cha ki thaw sumaar wa jan wei ya ka post mortem da leh da ki doctor kiwa em ha ki thaw sumaar.

Related posts

U pyndam ka Mizoram ya kiwa kreh sorkar ki wym ye wow leh yei kaam yong ki

November 28, 2024

Sdang ka sorkar da ka Community Public Private Partnership deiwa e yarap Rs. 106 klur

November 28, 2024

Hei yatoh wa i slem wow yoh ya ka report, neiliang u montri da ong hawa leh ya ki Post-mortem em boonjait ki Test wa haap wow pyndep iwa ye u chimpor boon sngi.