Hawa pynbna ya ka kiwa jop wa rem ha kani ka Election MLA 2023 ka jylla Meghalaya, da em ki kyrtong kiwa rem kat wow sihlet donhi.
Uwi na uwa da rem duna dooh toh u kyrtong ka NPP, u James PK Sangma uwa da rem da 18 Vote ha ka Rupa M. Marak, ka kyrtong ka TMC ha Dadenggre Constituency.
Sa uwi u kyrtong ka NPP uwa kat u rem toh u Stephanson Mukhim uwa da rem da 57 Vote ha u kyrtong ka UDP, u Lahkmen Rymbui ha Amlarem Constituency.
Kiwi de toh u Batskhem Ryntathiang (INC) uwa da rem ha u Metbah Lyngdoh (UDP) da 155 Vote ha Mairang Constituency.
U Auspicious Lyngdoh Mawphlang (PDF) da rem ha u Matthew Beyondstar Kurbah (UDP) da 104 Vote ha Mawphlang Constituency.
Ha Mylliem Constituency won da jop u Ronnie V. Lyngdoh (INC) da 38 Vote ya ka Aibandaplin F. Lyngdoh (VPP).
U Titosstar Well Chyne (UDP) leh kat u rem u ha u Gavin Miguel Mylliem (PDF) da 15 Vote ha Sohra Constituency.
Uwa duna dooh wa rem toh u Md Abdus Saleh (NPP) uwa da rem da 10 Vote ha u Dr. Mizanur Rahman Kazi (TMC) ha Rajabala Constituency.
Kiwi de kiwa kat u sihbhah u rem toh u Walseng M. Sangma (IND) uwa da rem ha u Jim M Sangma da 128 ha Rongjeng Constituency.
U kyrtong ka HSPDP na Rambrai Jyrngam Constituency leh da rem u kat u tam spah da 110 Vote ha u kyrtong samen, u Remington Gabil Momin.