Em ki MDC na ki 21 ngut kiwa kyrchaan ya u Andrew Shullai ki wow ran dien

Jowai: Hei yatoh wa i pynbna thymme ya u A. Andrew Shullai kam u CEM wa thymme ka JHADC neiliang u Wyrta da yaklam u wa u Thombor Shiwat uwa dang man hi kam u CEM ka JHADC uwa pyntip wa chwa wow hiar chuki daw haap pynman ya ka Dorbar wa Kyrpang wow pynyoo bor yow pynsakhiat wa u Andrew yoh sakhiat u ya i kyrchaan yong kiwa boon ki MDC.

Da pyntip u leh wa kamwa man kattæ em kamwa 21 ngut ki MDC na ki 30 ngut kiwa da soi pyrtuid wa kyrchaan ki ya u Andrew tangwa hanlada kattæ leh ong u wa daw em ki wow ran dien chwa kani ka Dorbar.

Heijooh i por da ong u wa ympu tip mynnu u pynman ya kani ka pynyoo bor neibhah daw haap kiwa kyrchaan ya u Andrew wow paanbor na u Lat ka jylla yow pynman ya ka Emergency Session wei ha kate ka sngi lada dooh u yei kyrchaan ki MDC oo u hiar u kam u CEM.

Da pyntip leh wa i daw hi toh wa u MLA u Sniawbhalang Dhar uwa kyrchaan ya oo uwa da chah pynbaad wa leh u ya ki kaam pyrchah ya ka Congress kamtæ ym kwah de ki heh ka Congress ya u Thombor wow yahkhmat u ya ka JHADC

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Hei yaklam won wa ki kattu katni ki MDC kiwa da lai cha ka yalang wa khut pynman ka MPCC da pyntip wa da em 21 ngut kiwa da kyrchaan ya u Shullai tangwa hanlada kattæ leh dang em hi kiwa artatien kiwa ye u ran dien na ini.

Hei yatoh won wa ki ar ngut ki MDC ka Council kiwa kynthup ya u Marki Mulieh wa ka Violet Lyngdoh kiwa man leh ki dkhot ka BJP da ong ki wa neiliang yong ki daw chong pyrkhat ki yeini wa ki heh ka party chwa wow chim ya ka rai, da pyntip leh wa ye u em ki kattu katni ki MDC kiwa ye ki u yaklam hei yatoh wa ini i kaam.