U President ka National People’s Party (NPP) uwa man leh u Montri Rangbah ka jylla, u Conrad K Sangma da khana u wa em ki MLA ka Party kiwa da chah chim haka Disciplinary Committee hajrong ki kattu katni ki daw, tangwa da kyntait u wow khana iyi iyi hajrong ki kaam yong ka Disciplinary Committee.
U Conrad da ong u ya ini hawa kylli hajrong i pynbaad u Dr. Mukul Sangma uwa man leh uwa yahkhmat ka Liang Pyrchah wa em ki MLA yong ka NPP kiwa thmu wow mih noh naka Party wow yakhun ya ka Election na kiwi won ki Party.
Hawa kylli hajrong i e Ticket biang ya ki MLA wow yakhun ya ka Election, neiliang u Conrad da ong u wa i e ya ka Ticket chong i ha ka Election Committee yong ka Party, wei ha ka Committee da em ki kyndon wow e Ticket.
Ya kani ka Disciplinary Committee da yahkhmat da u MLA ka Nongstoin u Macmillan Byrsat wei i daw wa da em ki MLA wa da chah bichaar ha ka Committee da suba toh wa da yaklam ki wa kiwi ki Party wow yakhun Election.
U Conrad leh ym bien u wow jubab hawa kylli yei em ka khubor wa ka kurim u leh daw yakhun Election ko deiwa jubab wow kylli na ka tangwa da ong u wa lada kwah Ticket ko, hap ko wow lai katkam ki kyndon.
