Kat dang mih ki sngi ka khubor hajrong ka jhaad Diamond Princess Cruise Ship da riñ ko ya ka pyrthai waroh kawi neidaw wa dang ku kiwa yoh ya u khñiang Coronavirus wei da khangkset (Quarantine) ya ka kam chibynta wow khang yei poor uni u khñiang cha kiwi ki thaw.
Katkam wa man katni kani ka jhaad dang man ko kawa chah khang kset harood ka sorbah Yokohama ha Japan.
Hapoh kani ka jhaad em palat 3,700 ngut ki bru kiwa na kylleiñ ki ri ka pyrthai kamjooh leh napoh ka ri India.
Neiliang u montri ka kaam baar ri namo u External Affairs Minister, u Dr. S Jayashankar da ong u ynnin wa em ki kattu katni ngut kiwa na India kiwa em hapoh kani ka jhaad.
Chooh chooh da ong u wa ym em ki nong India kiwa em ya uni u khñiang hapoh kani ka jhaad.
Da em kamwa 138 ngut ki nong India kiwa em ha kani ka jhaad kiwa kynthup ya ki 132 ngut ki wakreh hapoh yong ka wei 6 ngut won kiwa lai uiñke da kani ka jhaad, katkam ka khubor ha u Times of India.
Hadooh ynne ka sngi ka sorkar Japan da pyntikna wa em 64 ngut kiwa em ya uni u khñiang hapoh kani ka jhaad.
Discussion about this post