theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1
Advertisement ad1

Lada ka sorkar ym ye ko wow yada ya u pood toh u e laad noh da ki paidbah

Advertisement ad1

Ka seiñ All Hynñiewtrep People United Front (AHPUF) wa ka seiñ Khasi Jaiñtia National Union (KJNU) da pynsñiaw ki yei pyrchah wa joor hajrong i wan thombor  ka sorkar Assam yaki paaid Khasi wa em haka chnong Iongkhuli, Ri-Bhoi District heiwa da tba kti ki wot ya u MDC wa em burom yong ka Mawhati Constituency. Wei i wym burom de yaka Status Quo lane ka Standard Protocols wow wanrah yaka roi ka paar ya ki paaid chong chnong wa chong wasah haki thaaiñ khappood.

Ki ar seiñ da ong haroh ki wa kattæ ka Status Quo krehkaam ko du yaka sorkar Meghalaya heiwa wym em yumut iyi iyi yaka sorkar Assam.

Ki ar seiñ da beiñ joor ki yaka sorkar Meghalaya hajrong i suki yong ka ya kani ka kaam, kamwa da klam che da u C. Marngar, MDC Mawhati Constituency uwa ong wa nadooh ka 8-30-9:00 waje i step da pyntip u ya u CEM ka JHADC, u Dy. Chief Minister ka jylla Meghalaya, u Prestone Tyngsong wa ya ka DC ka Ri-Bhoi District, tangwa iwa sñiaw phylla wa poi ki hei thaw hadooh 4:00 waje i janmiet, yoosar hadien wa yoh yutip wa ki pulit Assam da dep leh ki yei kaam.

Pynsñiaw haroh ki yei wym chaniah yaka Party NPP, neibhah i thok yong ka ya kiwa chong chnong ka jylla heiwa ka MP na Garo Hills ka Agatha Sangma da chukor ko hajrong ka ILP wei ka NPP leh wym em chimkhia ko wow yaklam waka Assam hajrong u pood u ang katkam ka Manifesto namo ki thong krehkaam yong ka.

Da booh kyntu haroh ki ya ki Party Ri-loom kam ka HSPDP, UDP, KHNAM, PDF wow chimkhia ki ya kani ka kaam, wei lada ka NPP wa yahkhmat yaka sorkar ym chimkhia ko ya u pood u ang, toh u hiar chuki noh ki.

Wei lada ka sorkar ym ye ko u yada yaki paaid Khasi Pnar wa chong wa sah haki thaiñ khappood, yaka khyndaw u chyiap, u pood u ang, toh u e laad noh ko haki paidbah yow chna ki daki laad yong ki hi yow yada ki ya ki hi wei ka sorkar wymtoh u pynngat kyndon aiñ ko ya ki.

Kani toh katkam ka khubor wa pynlait da u Chandame Sungoh, Secretary -AHPUF wa u Niman Shadap President -KJNU.

Share this:
Previous

Khlaad noh ka kong Dilitis Siangshai

Next

Em kiwa ngait wa i tika toh u 666: Waheh Chnong, Khonglah