Ynne i step, ki bru wa suba toh kiwa ngait niam Hindu da psiah yabor ki chapoh ka krem Mawjymbuiñ wa em ha Mawsynram, deiwa tympiah ya u tala wa da khang yow psiah cha kani ka krem.
Katkam ka Video wa da poor ha ki rynsan Social Media, da yoo wa hadien wa tynpiah ya u tala wa da khang ya ka Gate, da psiah ki yow lehniam ha katai ka krem, heiwa da chem ya ki Diya wa ki dhup wa dang kop deilang wa ka poisa.
Ini i leh kini ki bru da man ko leh kamwa tyngkheiñ ya ka hukum yong ka High Court ka Meghalaya, kawa dang chong bichaar ya ka mukotduma heiwa da phah ya ka Dorbar Chnong Mawsynram wow chong pyrkhat yei rai ki wym e bor wow wan lehniam hapoh kani ka krem wei ya ka mukotduma daw chong bichaar biang ha ka 14 tarik uni u bnai.
Discussion about this post