U President ka UDP, u Metbah Lyngdoh hawa wan yalap Election neibynta u kyrtong MP ka Party ha ka yalang wa da pynman ha Tpep Pale, Jowai ynnin ka sngi, da ong u wa da em kiwa pyrchang wow pynsñiawthooh bakla deiwa pynmih khubor wa ka UDP daw lai psiah ko cha ka BJP.
Da ong u wa ka UDP toh ka yong ka hi ka Party wei ye ko wow ya krehlang wa kiwi ki Party ha iwon iwon i por lada ka yurim biang ko tangwa ym em won kam itæ wow lai psiah cha kiwi ki Party wei lada em kiwa leh kamni toh dei rai samen ki ymtoh iwa leh da ka Party.
Da pynche u wa ki MDC ki MLA ka Party dang em hi ki heini i lai yalap ya u kyrtong ka Party, u V G Kynta wei ki wym emlang ha kani ka sngi toh neidaw wym lait ki.
Da ong u wa ka Party embhah ko wow yoh da u V G Kynta kam u kyrtong uwa man leh kam u muktiar u wym jooh em rem hawa yasaaid neibynta ka KHADC.
Wei lada em kiwa pyrchang wow pyndooh yei man kyrpang ka jaitbru yong i, da em u bru wa biang wow yasaaid.
Kamtæ da kyrpaad u wow e yei kyrchaan ya u kyrtong ka UDP ha kani ka Election MP chiteiñ samoi.
Discussion about this post