Le ngut ki khynroo wa em hapoh kari da yap ki katwa uwi won da mynsoo joor u hadien wa ka kari wa chong ki ka BMW da noh ko najrong yingkieñ iwa da jia ha Coastal Road Bridge ka Mumbai.
Ini da jia i ynne i step heipor kamwa 5:00 waje wei kani ka kari toh kawa wan neiliang Marine Drive yow lai cha Haji Ali heiwa kani ka kari da kynthiar ko najrong yingkieñ deiwa suba toh neidaw wa joor pynhær wei ym ye de u khun manda poi ha i bynta wa dong u sarok.
Katkam iwa yoh ka CCTV u riñ, da yoo wa kani ka kari da hær ko rap jngai najrong ka yingkieñ (Elevated Coastal Road Bridge) heipor 5:03 wei da nioñ da lwet ko hadooh wym tip dur de ya ka kari.
Ya waroh soo ngut da pynkit ki cha Nair Hospital, tangwa ki le ngut toh kiwa da yap chwa wa kynthup ya u Sanay Gujjar (21 snem) uwa yah ya ka kari, u Aditya Jakasania (19 snem) wa u Dhairya Sheth (17 snem).
Uwa mynsoo joor toh uwa tip kam u Aditya Oswal (23 snem) uwa dang em hapyrdi i chah sumaar.
Uni sarok Mumbai Coastal Road toh uwa jrong 10.58 Km High-Speed Freeway uwa pynyabi ya ka Marine Drive ha South Mumbai cha wakut ka Worli yong ka Bandra-Worli Sea Link.
Discussion about this post