I takit hadien wa mih khubor wa khrong poisa pyrchah aiñ ki pulit ha ka Check Post wa em ha Mawkhanu kawa haap hapoh ka Diengpasoh Police Station wa ha Thangshalai hapoh ka Mawryngkneng Police Station heiwa da yahkhmat yei takit da u SP (City), u Dangsan Khyriem wa kiwi de ki heh pulit, da wanrah ko yei chah Suspend uwi u Head Constable, le ngut ki Unarmed Branch Constables wei da Transfer leh ya u Officer-in-Charge ka Diengpasoh Police Station.
Pyn ynne i step da phah ya ka Special Team yow lai cha kini ki ar tylli ki thaw heiwa da tympra ya ki trep wa chong ki pulit wa em ha Mawkhanu wa Thangshalai.
U SP ka East Khasi Hills, u Vivek Syiem da pyntip u wa hei lai takit ym em chem poisa napoh kini ki trep tangwa ym em mut wa ym em leh yeiwa da chah pynbaad.
U SP da pyntip u wa ya ka Check Post ha Diengpasoh wa ka kawa em ha Mawkhana kawa man chipor donhi toh da booh yow khanglaad yei chah lute ki Truck.
Da ong u leh wym e laad ya kam kini ki kaam khrong poisa pyrchah aiñ lane iwon iwon i kaam baam tooh ki pulit wei kitu kiwa emkti daw pynchitom ki.
Da kyntu ya kiwa yah Truck kamjooh ki tre kari wym toh u su iwon iwon ha ki pulit wa em ha ki luti ki syngkieñ wei lada chah dawa poisa wow Phone ha u 112 lane deiwa pyntip cha ka Police Control Room, Shillong-6009196479 wei ye leh wow wan mih cha ka Office u SP ka East Khasi Hills.
Discussion about this post