Shillong: U Dr. Mukul Sangma uwa man leh uwa yahkhmat ka liang pyrchah ha ka jylla da ong u wa ka jylla man ko kawa embhah, neibhah heipor wa sdang poor ka khlam u COVID-19 ha ka pyrthai waroh kawi, ka jylla Meghalaya wa ka thaaiñ mihsngi waroh kawi em ko hapyrdi i yakhih.
Da ong u wa ha ki bnai wa sdang poor bha u COVID-19 ha ka pyrthai waroh kawi kamjooh haka ri India, ka thaaiñ mihsngi man ko kawa embhah neibhah ha kitu ki bnai em ka yakhih pyrchah ya ka Citizenship Amendment Act (CAA) da kiwa boon ki seiñ wei ha Meghalaya leh da pynkrehkaam da ka Curfew neipor cheipor.
Chooh chooh da ong u wa i long i man ha kitu ki bnai da pynman ko ya kiwa boon ki bru wa wan na kiwi ki jylla ka ri India næ na baar ka ri wow sangeh ki wow wan cha kani ka thaaiñ, deiwa pynrap wa na ini i man i long, ha i wym poi pyrkhat da ye wow yada ya ka jylla na ki bru kiwa ye wow wanrah ya u khñiang COVID-19.
Discussion about this post