Jowai : Ynne ka 1 tarik Naiynñiaw wa ka seiñ Jaiñtia Students’ Union hapoh i yahkhmat u President ka seiñ u ma Rikut Pareiñ da lai yachem ki wa ka Superintendent ka Jowai Civil Hospital ka Dr. P. Paswet.
Ha ini i yachem da pynman hadien wa ujor ki paidbah cha ka seiñ wa boon i duna hapoh kani ka thaw sumaar.
Heiyatoh weini ka seiñ da pyntip ko wa iwa emkaam bha ha kani ka thaw sumaar toh ki Doctor neibhah emkaam ym duna ya 25 ngut tangwa katkam wa man katni em du 14 ngut hi-eh.
Da pyntip ko leh wa emkaam jhan bha toh ya ki Doctor Pathologist, Anesthetist, Radiologist, Surgeon, Ophthalmologist wa ki surgeon.
Kani ka hospital kawa 100 palong emkaam ko hadooh 75-100 ngut ki nurse tangwa katkam wa man kattæ em du 35 ngut donhi.
Hei yatoh weini ka seiñ da kular ko wa daw lai yachem ko wa u Montri ka Chait ka Khiah u ma A.L. Hek ha kani ka tayaw wow wan.
Discussion about this post