Emkaam kiwa dai madan wow yoh NOC na ka chnong wa ki Hima hapoh KHADC

Shillong: U Paul Lyngdoh uwa man u EM wa pait ya ka chnat khayi pateiñ hapoh KHADC da ong u wa ka chnat yong oo da yaklam ko hajrong i yoh khayi ki baar jylla kam kiwa dai madan ha ki luti syngkieñ.

Da ong u leh wa kiwa dai madan emkaam wow yoh NOC ki na ki Dorbar Chnong wa na ka Hima neibhah wa ki yaaw man ki ki yong ki hima, neidaw wa lehmon kiwa dai madan kamtæ ka chnat da chimkhia ko wow kdoh ya kini ki kaam.

Da ong u wa da em ki kyndon wow ebor ya ki sahep wa ki EM ka KHADC wa ye ki wow pynchitom deiwa daiñ kuna nadooh i dor T.50 hadooh T. 3000 ya kiwa dai madan kiwa khlem Trading Licence neibhah man i iwa pyrchah aiñ.

U Paul da ong u wa ki dorbar chnong toh u em kyndon ki chwa wow e NOC, wei ka KHADC ym pdiang ko ya ka NOC wa da e du da u Rangbah Shnong tangwa emkaam wow yoh yei mynjur na ka Executive Committee yong ka Dorbar Shnong, wa ka KHADC daw paan leh man la u snem ya ki pyrtuid yong kiwa kitkaam yong ki chnong waroh.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Da ong u leh wa ka KHADC daw pyntikna ko leh wa kiwa yoh Trading License na ka KHADC toh u pyndam ya ki lada ym yoh NOC ki na ki chnong.

Ha iwi won i liang, u Paul da ong u wa kiwa khayi toh u e kreh ki ya ki tre chnong wei ka nongsngi toh u man ko katkam ka Wages Act ka sorkar.

Hajrong ki kari kamai na kiwi ki jylla namo ki Commercial Vehicle, ya ki won neiliang u Paul da ong u wa emkaam ya ka Trading License wei ka chnat daw bichaar bniah bha ko ya ki kammon wow leh ha kam kani ka kynti.