Jowai : Ka HNYF ynne ka 22 tarik da li booh dorkhat ko ha khmat u CEM ka JHADC u ma Thombor Shiwat hei yatoh wa i khrong dan ki Dolloi ka ri-loom Jaiñtia.
Ha ka dorkhat da ong wa hadien wa da e bor ka Supreme Court ya ki Dolloi yow khrong dan ki katkam ka riti dustur, ka seiñ da kyntu ko ya ka Council yow bood ya ki kyndon ka hukum ka Supreme Court yow chna noh ki kyndon wow khrong dan ki Dolloi.
Da ong leh wa emkaam u leh smat yeini yow man i khrong ki Dolloi iwa hapoh ka aiñ yow lait u mih i sñiawthooh bakla wa ki paidbah wa ki Dolloi.
Neiliang u CEM da ong u wa daw chong ka EC mynstep yow pyrkhat hei yatoh wa ini.
Ya kani ka dorkhat da li booh da u President ka HNYF Raliang Circle u Donbok Dkhar, u Secretary u Hamboi Sumer wa kiwi ki dkhot ka seiñ.
Discussion about this post