theme-sticky-logo-alt
theme-logo-alt
Advertisement ad1
Advertisement ad1

Emkaam u man i ki bru wa ka-it u pait ymtoh du wow yoo donhi: Puramon Kynjing

Advertisement ad1
Advertisement ad1

Jowai: Ka Khynroo Khyllood Chilliangraij Naimtre Committee (KKCNC) ynne ka sngi da leh kmen ko ya ka lyngkhooh snem wa 5 yong ka ha ka yalang wa pynman ha ka Yungwalieh ka Chilliangraij, Jowai.

Ka Chairperson ka KKCNC hawa khana chaphang ki kaam wa da leh kani ka Committee da pyntip ko leh wa da pyllai ki ya ka Shlem Hikai Tynre wei da dep yah ki leh ya kiwa boon cha ki lympung wa da dep pynman wei man ka sngi Bibar heipor 3:30 i janmiet da em ka sikai chaphang ka Niamtre da kani ka Shlem.

U Waheh Chnong ka Chilliangraij u T. Pde da yaroh u ya kani ka Committee ya kini ki 5 snem wa da lai luti ko wei kamjooh yei sikai wa da e ko yow pynkynmoo chaphang ka niam Tip Bru Tip Blai.

Ka W. Sumer hei klam yong ka da pynmoo ko wa ka Chilliangraij toh kawa da naam kawa em ka Umliksan, ka Khliehchnong, kiwa chna sur wa pawnaam kam u I. Pariat uwa thoh yei rwai ‘Yei tre ham ya mylliñ’. Da ong ko leh wa ya ki diahmai daw wiarnar ki ha ki luti wa lai ki kam ki khon ka Niamtre wei u man ki du kam ki khon ka Niamtre leh ymhoi katwa kamtæ emkaam ki leh u sñiawthooh ya ka yurim wa ka Niamtre em ko.

U EMH Passah uwa man kam u symbood kongsan ha kani ka sngi da ong u wa i maya toh iwa emkaam dooh, i maya toh wa pynman ya u Trekirot wow yabhah u Ynñiawtrep na ki 9 yow yoh u chongsuk heini ha sla pyrthai wei khlem i maya ym wan leh ka roi ka paar.

U Dolloi ka Elaka Jowai uwa man leh kam u kongsan ha kani ka sngi da ong u wa emkaam u man i ki bru wa ka-it u pait ymtoh du wow yoo donhi. Da e nongmuna u deiwa ong wa heipor Behdieñkhlam lada kylli phi kammon yoo phi ha uni u snem u ong ki wa man ko kawa yoosuk tangwa kiwa pait won daw ong ki wa chem ki wa dang duna ka choh bom, ka put phuri, ka riam kiwa hiar cha ka aitnar wa kiwi kiwi.

Kamtæ hawa e ya ka sikai emkaam kiwa chah sikai u biang ki u tip ym toh du wow puræ chaphang ka niam neibhah i maya niam wan i na mynsien.

Da yooluti u leh wow man ki ki bru wa em i kitkhlieh ya ka niam kamjooh leh kiwa ye u pyndep niam.

Ha kani ka sngi da saam leh ya ki khusnaam cha kiwa da leh bha ha ka puræ puthi wa ha ki yakop wa boon jait wa dadep pynman chwa wei da pynphooh ya ka yalang da ki rwai wa ki chaad tynre.

Share this:
Previous

Daw pynman ya ka “Moopun Waterfall Festival- 2017” ha ka 27 tarik

Next

Aw jan man ka sngi ku i dor i Petrol wa i Diesel neidaw ka Dynamic Pricing Scheme