Emkaam wow jied ya kiwa mihkhmat kiwa maya ya ka ri wa ka jaitbru, ymtoh ya kiwa maya chuki: Meghalaya Movement

Jowai: Ka dhab wa tip kam ka Meghalaya Movement haka yalang paidbah wa pynman ynne ka 8 tarik ha Iawmusiang da kyntu kyrsu ko yaki paidbah u jied ki ya kiwa mihkhmat wa em sakhiat i mynsien u chakri yaka Ri wa ka jaitbru ha u snem 2018 wa ha u 2019.

Ya Meghalaya Movement da yahkhmat da u Baitlang Pohsngap toh kawa da mih pyrthai hajrong ka thong wow khut ya kiwa mihkhmat kiwa sakhiat ha u snem wow wan wei da kyntu leh yaki paidbah u jied ki da ki bru kiwa em i kitkhlieh yaka Ri ymtoh u biej ya ka poisa.

Kamtæ yow pynsñiaw cha ki paidbah hajrong i emkaam wow wanrah yei kylla, ha kani ka yalang da emlang u Adelbert Nongrum, MDC ka KHADC, u Joe Marweiñ, u MDC warim ka JHADC u Sawang Lamurong wa kiwi kiwi.

U Baitlang Pohsngap da khana u wa ka thong yong ki toh u kyrsu ya ki bru wa emsap wei em sakhiat i mynsien wow chakri hok ya ka Ri wa ka jaitbru, ym u lai ki dei bor ka spah wow mih ki chakhmat u paan yei kyrchaan na ki paidbah khlem i tieñ wa i boohteiñ haka election 2018-2019 neibhah wa ka jaitbru emkaam sakhiat ko ya ki.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Da ong u wa kiwa mihkhmat wa maya yaka Ri ymjooh wan ki cha ka synchaar khadar wow kamai spah wow kwah bor næ iwon iwon i daw tangwa du i mynsien wow chakri hok ya ki paidbah.

Emkaam wa ki paidbah u ya ksohkti lang ki chwa u kyndian i por, wei ymtoh de u yoh kiwa mihkhmat wa im sngi du hei knieh chuki.

Ka synchaar khadar toh kawa kyntang neibhah e ko i chakri yei yap i im u paidbah kamtæ toh u burom ya ka. Da toh i por u kylla wamut ymtoh de u jied deibor ka spah næ deiwa dai yaka vote neibhah kani toh ka daw wa khroo wa ki paidbah dai toh dor ki pyn yaka ri.

U Adelbert Nongrum da ong u ymtoh u ong wa em ki hehspah tæ umnood u yakhun neibhah lada e laad yaki 5 snem hadien ym ye de u leh iyi iyi. Da ong u wa i bor chong i ha ki paidbah u wanrah yei kylla neibhah kattæ hanlada yoh jylla leh ympu em won yoh i ya u pood u ang wa tikna, wei ka ri leh dang hiar ko kat danglai ki sngi.

U Joe Marwein da ong u lada yaklam ha kiwa boon ki liang ka jylla dang em ko boon i duna, lada kyruiñ hei puræ puthi ha jylla em 1 lak ngut ki khynnah wa dam yei puræ iwa da ktah sakhiat yaka jaitbru. Da ong u leh wa hadooh katni ym em ya katæ ka Health Policy, Education Policy, Youth Policy wa kiwi kiwi, wei ymtip de cheiwon u poi i.

U C.Sungoh naka seiñ AHPUF  da ong u wa chwa u jied emkaam u tip yei long i man u bru,  wei ymtoh u man u bru wa baamtooh, neibhah ka kjut wa joor bha katni haka imlang sahlang ka synchaar khadar toh ka baamtooh. Kam ki paidbah toh u yieñ hei sakhiat wei lada kwah yei kylla ymtoh de u leh yeijooh chi ijooh.

Ha kani ka yalang da yoh leh i klam na u Sawang Lamurong MDC warim ka JHADC wa kiwi kiwi.