15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Emkaam wow khyrngiat yongbru noh i wow yada ya ka Rymaw

0 Comments
Advertisement ad1

Jowai: “Ha u snem 1998 nga rem Election O kamjooh wa kiwa boon yong ka Congress neidaw wa ki paidbah da chrai ki yei chah khang wow ah dieñ ka Supreme Court wei da pynbaad ki wa kiwa mihkhmat ym em leh i yeiwa emkaam wow yada yei khih i khan yong ki” ong u Dr. R.C. Laloo kam u kongsan ha ka leh warom ya ka World Environment Day wa pynman ynne ka sngi ha District Library, Mynthong Jowai.

Da ong chooh chooh u wa manda pyrkhat katni lada ym khang ka Supreme Court waroh ki dieñ ki kseh da lut ki. Sñiawkmen u yoo yei sdang boon biang ki dieñ. Na warim kiwa em hali da pynjoor ki yei rep katwa kiwi won wa biang thaw da pynjoor ki yei thung dieñ wei manda yoh laitlooid ka ri India ki tre dieñ da sdang ki u mahajon deiwa dai dieñ. Wei kamni ka pyrthai wa i khih i khan i yoh i kot tyllung ki katwa lai i por.

Ha kani ka sngi da pynyoo leh ya artylli ki phlim wa tbian kawi wa chna da ka Basin Development Unit West Jaiñtia kawa pynyoo yei jakhlai, ki jhep wa lang wa noh ki bru charood sarok, cha ki loom ki wah ha ka chnong Jowai kam chibynta wow pynkhyrngiat ya ki paidbah.

Neiliang ka tnat PHE (RWS) kam chi bynta ka Swachh Bharat Abhiyan da pynyoo ki ya ka phlim wa kammon u sait kti hawa khooid.

Neiliang ki khynnah skur won da klam ka Aidamon Talang na North Liberty HS School kaw klam chaphang kiwa da wiar wa da dooh i nadooh ki um wa khooid ki khloo ki kjam wei emkaam i kam ki bru wow sdang i u khyrngiat noh.

U DM Wallang, Vice-Chairperson Basin Development Unit, WJH da pyntip u wa da sdang ya 5 tylli ki thaw thung thaw sumaar dieñ (Nursery) ka wi ha Thadleskeiñ, 2 tylli ha Amlarem wa 2 tylli ha Mowtyrchiah. Da ong u leh wa emkaam wow thung dieñ wei wow sumaar ya ki yow heh ki neibhah ki ye ki u ksoh yei khyndaw wa ka um. Da ong u leh hapoh ka jylla Meghalya ka um toh kawa boon tangwa hadooh kattæ leh dang boon ki bru ym yoh um ki wow sait that kamtæ u sdang noh u pyllang ya ka um slap.

Ha kani ka sngi da saam leh ya ki khusnaam cha kiwa jop yakop Debate wa Drawing & Painting.

Da pynkut ya kani ka yalang leh warom ya ka World Environment Day deiwa lai thung dieñ ha tpep ka kur Sumer wa em ha Khimusniang heiwa u kongsan kamjooh ki sahep sorkar da chimbynta lang ki.

Share this:
Previous

Lai yachem ka JSU-1 ya ki heh ka Airtel wa Vodafone

Next

Kamwa 2,000 tylli ki tre dieñ yoh ka Sohmynting na JHADC wow yada ya ka Rymaw