Shillong: Uwa yahkhmat ka liang pyrchah, u Dr. Mukul Sangma ynne da ong u wa emkaam wow tip yei sumaar wow lait na i chah ktah ha u COVID-19 wei i leh ya ki Test toh iwa emkaam bha ha kani ka thma pyrchah ya kani ka khlam.
Da ong u wa ha kam kani ka por wa wan uiñ biang ki nong Meghalaya na baar jylla da emkaam won ya ka sorkar wa ki chnat wa pait wow man ki kiwa syndong wei kiwa chimkhia, neibhah hanlada dep leh ya ki Rapid Test wei chem wa em kjut ki ym mut won wa da chah ktah ki ha u COVID-19, namo lada chem wa ym em chitom næ kjut ki leh ym mut wa ym em chah ktah ki ha u COVID-19.
U Dr. Mukul, da ong u wa kitu ki bru kiwa em ya u COVID-19, ympu pynyoo dak ki pyn heitu, wei wow hun wa kiwa Test Negative da lait ki na u COVID leh man i wymye u ong neibhah ye ko wow wanrah yei maa hadien.
Da ban joor u wa ki Test toh kiwa emkaam tam, wei u man ko kawa emkaam bha khamtam ya kiwa chong chnong kiwa wan biang cha yung lada ka jylla kwah ko wow jop ya kani ka thma pyrchah ya ka khlam u COVID-19.
Ha iwi i liang won u Dr. Mukul da kyntu u ya ki paidbah wymhoi u beiñ næ paitkhmat ya kiwon kiwon ki bru kiwa em ya ki dak chitom, neibhah daw pyndooh mynsien ko ya kitu ki bru kiwa ye u yoh ya uni u khñiang wow wan chaphrang neibynta wow phah Test.
Discussion about this post