Shillong: U Executive Member ka KHADC wa pait ya ka chnat Land, u Titosstarwell Chyne da ong u wa ka KHADC da pynsñiaw ko cha ka Montri Khynnah ka sorkar India wa pait ya ka Tribal Affairs, ka Renuka Singh Saruta wa ya ki Autonomous District Council (ADC) toh u pait noh da kani ka chnat kawa man kyrpang neibynta wow pait ya ki jaitbru ri-loom.
U Titos da ong u wa hadooh katni ya ki District Council da pait da ka Ministry of Home Affairs wei lada ekti noh cha ka Tribal Affairs daw yarap ko chiboon ya ki ADC neibhah wa man ko ka chnat kawa pait kyrpang ya ki jaitbru ri-loom.
Ha iwi i liang u EM ka KHADC da ong u wa ha i lai ka KHADC ha ka sien wa nyngkong, kiwa boon ki Montri Khynnah ka sorkar pyrdi ymtip ki wa em ki District Council ha kani ka jylla, wei manda batai ya ka bor yong ka Council, waroh ki Montri da e mynsien ki wow pynkhlan chooh chooh ya ki ADC.
Da ong u wa neiliang ka Ministry of Finance leh da pynsñiaw ko wa kwah ko wow yarap wei da e yumut chooh chooh ko kammon wow kyntu khamtam wow e khih e kreh naka thaiñ that neibhah da toh i por wow kyruiñ cha kani ka liang.
Discussion about this post