U montri rangbahdooh ka ri, u Narendra Modi ynne da ong u wa ka khlam u COVID-19 da sikai ko ya i wa emkaam i wow man kiwa pynbiang pynya-i dæ namo Self-Reliant.
Da ong u wa ka khlam Coronavirus (COVID-19) da pynkhyrngiat ko ya ka ri neibhah wa ki chnong, ki District wa ki jylla ha jar jiar i bor yong ki toh u man ki kiwa pynbiang pynya-i dæ.
Yeini u Modi da ong u ynne hawa yaklam wa ki Waheh Chnong (Sarpanch) lyngba ka Video Conferencing ha ka sngi wa tip kam ka Panchayati Raj Diwas.
Ynne ka sngi da wai u leh ya ka website GramSwaraj Portal, ka Mobile App wa ka ‘Swamitva Scheme’ wei ini man i kam chibynta yong i krehkaam ka Ministry of Panchayati Raj khnang wow ye ki wow pynkreh ya ka Gram Panchayat Development Plan.
“Ha ki san snem wa da lai kamwa 1.25 Lak tylli ki chnong da pynpoi ya ki Broadband Connection na ki 100 tylli chwa ini weiwa ki Common Service Centres leh da em ki palat 3 Lak tylli”, da ong u Modi.
Heijooh i por da kyntu u ya ki Dorbar Chnong wow pynche wei wow pynsñiawthooh leh ya ki paidbah hajrong u khñiang COVID-19.
Discussion about this post